እንደው ኑሮዬ ላይ ማቅራራት አምሮኝ ነበር …….. በፀፂየዬ የሚሰማኝን ነው የገጠመልኝ
  አሌክስ ደረሰልኝ

----|| ዘራፍ … ከበራፍ ! ||----------
------------------------------------(አሌክስ አብርሃም)

ትከሻሽ ለክንዴ ዙፋን
ጡቶችሽ ጠባቂ መላክ
ፀጉርሽ ጥቁር ፏፏቴ
ሳቅሽ ሃብል ላንገቴ
ፍቅርሽ የነብስ ድምቀቴ

አህዛብ ቁሞ ሲታዘብ
እቅፌ በትከሻሽ ሲያልፍ
ዘራፍ ! ፈሪ ባሉኝ ፊት
ዘራፍ ! በነብሴ በራፍ
ዘራፍ!!

ካለመኖርሽ በረሃ
ስትኖሪ መሬት ሰንጥቆ
የወጣ ቀዝቃዛ ውሃ
የነፍሰ ሃሴቴ ፍስሃ

መለየት ይሉት ጠላቴ
ላመታት ያፍገመገመኝ
መምጣትሽ እንደ ድንቅ ሃኪም
ከናፍቆት ደዌ ያከመኝ

ላመታት ያጎሳቆለኝ
ጨቋኙ ብቸኝነት ሲያልፍ
ዘራፍ በቃየው
ዘራፍ በደጃፍ !

እምቢ ለፍቅር
እንቢ ለመወድድ
ይሄን ጊዜ ነው
ጥላቻ እሚነድ
እምቢ !!!!!!

ጎረምሶቹ ቆንጆ እያቀፉ
በተራቆተ አይኔ ፊት ሲያልፉ
ልቤን በቅናት የሸነቆጠ
አቅፌሽ ቢያየኝ ተሸቆጠቆጠ
መከበሪያየ እንደዲሞፍተር
ደስታ መጣፊያ የነብሴ ደብተር
እቅፍ አርጌሽ ባደባባይ ሳልፍ
የፍቅር ልምጭ የመውደድ ጅራፍ
ከሰይጣን ጀርባ በጭካኔ ሲያርፍ
ዘራፍ
ዘራፍ
ዘራፍ በጓዳ ዘራፍ በደጃፍ !
የኔ ስንክሳር የመውደድ መጣፍ !
ዘራፍ !

ዲዳው መኝታ አፉ ሲፈታ
ቀጭ ግጥም ሲል የፍቅር ቃታ
ትራስ አንሶላው ሲተረማመስ
ምንጣፍ ብርድ ልብስ በጦር ሲታመስ
እንደደራሽ ወንዝ
ላብ በአንገት ዚጎርፍ
በትንፋሽ ዜማ ቅኔ ሲዘረፍ

በላብ ባህር ውስጥ መሻት ሲታመስ
መላ አካላችን እንደጣን ሲጨስ

አልጋ መደቡ ሲመስል አድዋ
ዋ……..እንደው …..ዘራፌዋ ….
እን……..ደው ዘራፌዋ !


!! thank you Alex Abreham

“የምትበላ ወፍ…”: ከምላሴ ጠጉር፤’ እሷን የመሰለ፤ መፈጠር አይችልም

“የምትበላ ወፍ…”

“ዉሰጅዉ ፍቅርሽን፤ እኔ አልፈልገዉም፣
ያንገላታል እንጂ፤ ሌላ ትርፍ የለዉም፣”

ይሉሻል በዘፈን፤ እነሱን አይደለሁ፤ ይህንን አልልም፣
ራሴን ነኝ እንጅ፣ አይን አይንሽን እያየሁ፤ አመታት የምቆም፣
ፀሎት ላምላክ ይዤ፤ ዘመናት የምፆም፣
የመ'ወ'ደድ አዚም፤ ስላለብሽ መስህብ፣
‘ያስተፈስ’ እያልኩኝ፤ ለሕይወቴ ቀለብ፣
ስምሽን 'ሰፍራለሁ፤ ጅብራዉን ሆኜ፤ ቆሜ ተገትሬ፤
ሲመሽም…፣ ሲነጋም…፤ አፍጥጬ…፣ አተኩሬ…፣

ፅጌ፣ ደመ ግቡ፤ መሆንሽን እያየሁ፣
ከኑሮዬ ይልቅ፤ አንቺን አጠናለሁ፣
እከርማለሁ እንጅ፤ ዉሰጅዉ አልልም፣
ቀዘባ፣ ከዘባ፤ ያልተሰራሽ ከደም፣
የዉበትም ቆሎ፤ በላይሽ የፈሰሰ፣
ስንቱ አንቺን ብሎ፤ ከስንቱ ደረሰ፣
ሸንቃጣ ዘበናይ፤ ግዳፍ የለሽ አጥንት፣
ባዘቶ ነስንሰሽ፤ ጉንጉን፣ የሰዉ እሸት፣
ሄድ መጣ ስትይ፤ ኪሊዮፓትራንም፤ ቅናት ሸንቁጧታል፣
ሞናሊዛም ቢሆን፤ የበለጣት ሲገኝ፤ በጣም ቆጭቷታል፣

ቢያምጡ፣ ቢወልዱ፤ እስከ ዘለ-አለም፣
‘ከምላሴ ጠጉር፤’ እንቺን የመሰለ፤ መፈጠር አይችልም፣
ቋጥኝ ድንጋይ ታርሶ፤ እህልም ቢበቅል፣
በማን መስፈርት፣ ዲካ፤ ዉበሽ ይለካል?
ቢያምጡ ቢወልዱ፤ እስከ ዝንተ-አለም፣
‘ከምላሴ ጠጉር፤’ እሷን የመሰለ፤ መፈጠር አይችልም።

በ ሱለይ አደም

 (በፀፂ ይህ ላንቺ ነው)

የማይታይ ታይቶ

የማይታይ ታይቶ
ሰው ሁሉ ሲያደንቅሽ፣
ያልታየውን ቢያየው
እንዴት አይሞትልሽ።

በውጭው ውበት ላይ
ተደምሮ ውስጥሽ፣
በጣም ጎልቶ ታየ
ደመቀ ውበትሽ።

እድል ነው መታደል
አንቺ እድለኛ ነሽ፣
ሁለት ነገር ባንዴ
ፈጣሪ የቸረሽ።

ከነ ስራወችሽ
እንዲሁ እንዳለሽ፣
የሰማዩ አባት
ጠብቆ ያቆይሽ።

አማረኝ ! በተንጣለለ መሬት ላይ ነጭ ሽብሽብ አንሶላ አንጥፎ ከፍቅሬ ጋር መጋደም

አማረኝ !

በተንጣለለ መሬት ላይ ነጭ ሽብሽብ አንሶላ አንጥፎ ከፍቅሬ ጋር መጋደም -

በሀገራዊ ልብሶች ደምቄ ÷

በእጆቼ ወገብዋን እቅፍ አድርጌ በኮላ እንደተጣበቀ እንጨት 

ከውዴ ሰውነት ላይ ጥብቅ ብዬ

በአንድ እጄ ፊትዋን ማሻሸት አማረኝ

ስጎነትላት በነጠላዋ ጥለት ፊቶን ስትሸፍን እና ሀፍረቶን ስታሳየኝ ማየት አማረኝ

ተዝቆ ከማያልቀው ከዚህ ነጭ ሆኖ በተሸበሸበው ውብ ሜዳ ላይ ፍቅር ዘርቶ ፍቅር ማጨድ አማረኝ !!!

ከዚህ ሁሉ ሐተታ በኋላ ከአንዱ የአንሶላ እጥፋት ውስጥ የውድዬ ልብ መኖሩን ልብ አልኩኝ ::

ስዕሉ :- የሰዐሊ መዝገቡ ተሰማ ነው ::

ይህንን ያለችው  Rediet ነች !! ይህንን ስዕል አይቶ እንደስዋ አይነት ስሜት ያልተሰማው? መልካም ተፈጥሮ ስታይ ቦታው መሆንን የመሰለ ምኞት ግድ ይለናል!! ከዚህ ከቢጫ መጋረጃ ጀርባ ያለው ታሪክ እነኝህ ነጭ ለባሾች አይመስላችሁም ? ጥበብ አትንጠፍብህ !! አቦ እጆችህ ይባረኩ!! Mezgebu Tesema. 

እውነቴን ነው በፂ እኔም ከላይ ያልኩት ነገር አምሮኛል

 

I am feeling that we had a weeding : Betselot and Bab

I am  feeling that we had a weeding ....... if  you say really  ?

my answer is yes and
even i have a picture which describe my felling.

i love you my sweet konjo ( ti amo)

 Note: the picture shows a ceremony performed after we had church ceremony ( after 5 or more days)

let me say I love you in many international language

All languages existed in world didn't describe how much i love you but i don't know how to tell you . at lest let me tray to say i love you in many different international languages  

Language	አፈቅርሻለሁ I love you
Afrikaans	Ek's lief vir jou / Ek het jou lief
Albanian	Të dua
Aleut	Txin Yaktakuq
Alsatian	Ich hàb dich gär / Ich hàb lieb fir dich
Amharic	አፈቅርሻለሁ። (afekirishalehu) - f / አፈቅርሀለሁ። (afekirhalehu) - m
Arabic (Egyptian)	to a man - (ana baħibbak) ٲنَا بحِبَّك to a woman - (ana baħibbik) ٲنَا بَحِبِّك
Arabic (Lebanese)	B7ebbak (m) B7ebbek (f)
Arabic (Modern Standard)	(uḥibbuk) أحبك
Arabic (Moroccan)	(kanəbġīk) كنبغيك
Arabic (Syrian)	(bəḥibbək) بحبك
Aragonese	T'amo
Armenian (Eastern)	Սիրում եմ քեզ: (Sirum em kez)
Armenian (Western)

ስላንቺ ባሰብኩ ቁጥር

ስላንቺ ባሰብኩ ቁጥር........

በፂ ምን ያህል እንደምወድሽ ደግሜ ደግሜ ነግሬሻለሁ….. አንቺም እንደምትወጂኝ አውቃለሁ

አንቺን በማግኘቴ ደስታ በልቤ ውስጥ እንደ የማያቁዋርጥ ጅረት እየፈሰሰ ነው 

ስላንቺ ባሰብኩ ቁጥር ... ፊቴ ፈገግ ይላል

ስላንቺ ባሰብኩ ቁጥር… አለም ለእኔ እየደነሰች እንደሆነ ይሰማኛል

ስላንቺ ባሰብኩ ቁጥር … ብሩህ ተስፋ ይታየኛል

ስላንቺ ባሰብኩ ቁጥር…. ሳቅ ሳቅ ይለኛል

ስላንቺ ባሰብኩ ቁጥር …. እድለኝነት ይሰማኛል

ስላንቺ ባሰብኩ ቁጥር ….ፍቅር እንዲህ ነው ወይ እንድል ያደርገኛል

ስላንቺ ባሰብኩ ቁጥር … ደስታ ይወረኛል

ስላንቺ ባሰብኩ ቁጥር … ተራርቆ መኖር ምን ያህል ከባድ እንደሆነ ትዝ ይለኛል

ስላንቺ ባሰብኩ ቁጥር … ማፍቀር ምን ማለት እንደሆነ ትዝ ይለኛል

ስንቺ ባሰብኩ ቁጥር … መፈቀር ምን ማለት እንደሆነ ትዝ ይለኛል

ስላንቺ ባሰብኩ ቁጥር … ምንም ያልጎደለኝ እንደሆነ ትዝ ይለኛል

ስላንቺ ባሰብኩ ቁጥር……….

በጣም እወድሻለሁ፣

በጣም አፈቅርሻለሁ

በጣም እደሰትችሻለሁ

Ti amo